Hagamijwe gusesengura ishyirwa mu bikorwa rya Politiki y’ubumwe n'ubwiyunge y’Umwaka wa 2020, Abadepite bagize Komisiyo y’Ubumwe bw’Abanyarwanda, Uburenganzira bwa muntu no kurwanya Jenoside uyu munsi Tariki ya 22 Nyakanga 2025 basuye Akarere ka Nyarugenge. 

Mu ruzinduko rwabo Abadepite Hon. Uwiringiyimana Philbert, Hon. Senani Benoît, Hon. Mushimiyimana Lydia na Hon. Izere Ingrid Marie Parfaite n’abari babaherekeje babonanye n’inzego zinyuranye basesengura uko Ubumwe n’Ubwiyunge buhagaze mu Karere ka Nyarugenge. Izo nzego zigizwe n’izi zikurikira:

• Abayobozi Nshingwabikorwa b’Akarere
• Uhagarariye Amadini n’Amatorero mu Karere
• Uhagarariye ARCT Ruhuka mu Karere
• Uhagarariye CDJP Ruhuka mu Karere
• Abarinzi b’Igihango ku rwego rw’Akarere
• Abakangurambaga b’Ubumwe n’Ubwiyunge ku Karere
• Abafatanyabikorwa muri gahunda z’Ubumwe n’Ubudaheranwa
• Abayobozi b’Amadini
• Abanyamabanga Nshingwabikorwa b’Imirenge

Abadepite kandi basuye Umurenge wa Kigali bagirana ibiganiro n’abagize amatsinda y’Ubumwe n’Ubudaheranwa ahuriyemo Abagize Uruhare muri Jenoside yakorewe Abatutsi ndetse n’abarokotse Jenoside yakorewe Abatutsi.