Kuri uyu wa kabiri tariki ya 28 Kamena abagize ihuriro ry'abafatanyabikorwa mu Iterambere ry'Akarere(JADF) bahuriye mu inama y'inteko rusange Aho bareberahamwe ibikorwa bakoze muri iyi ngengo y'imali 2021-2022 n'ibyo bateganya mu mwaka wa 2022-2023.

Umuyobozi Nshingwabikorwa w'Akarere Bwana NGABONZIZA Emmy witabiriwe iyi nama yashimye uruhare rw'abafatanyabikorwa mu iterambere n'Imibereho myiza y'abaturage b'Akarere.

Abagize ihuriro ry'abafatanyabikorwa bakaba bishimiye uruhare rwabo rusaga Miliyari 2 na Miliyoni 500 mu bikorwa bitandukanye by'Akarere bigamije kuzamura imibereho myiza y'abaturage byakozwe muri uyu mwaka wa 2021-2022, banizeza Ubuyobozi bw'Akarere gukomeza ubufatanye.