Kuri uyu wa Gatandatu tariki ya 10 Gicurasi 2025, mu Karere kacu ka  Nyarugenge abagize komite z’Umuryango ‘Pan African Movement -PAM’ washinzwe hagamijwe guharanira agaciro no kwigira by’Abanyafurika bahawe amahugurwa mu rwego rwo kurushaho gusobanukirwa intego z’uyu muryango. Abahuguwe baturutse ku rwego rw’Akarere, Umurenge n’Akagari. 

Iki gikorwa cyitabiriwe n’Umuyobozi Nshingwabikorwa w’Akarere kacu ka Nyarugenge, Bwana Ingangare Alexis na Ambasaderi Polisi Denis

U Rwanda rwagaragajwe nka kimwe mu bihugu bimaze guteza imbere Ubunyafurika, ibyo bikagaragarira mu bikorwa rukora bikurikira:

• Gucunga umutekano mu bindi bihugu byo hirya no hino ku isi
• Amahame yo kwimakaza imiyoborere myiza u Rwanda rugenderaho
• Ubumwe, guha abaturage ijambo risesuye n'uruhare mu bibakorerwa
• Gukemura ibibazo by'abaturage
• Kurwanya ruswa n'akarengane
• Gushyiraho ingamba zo kurwanya ubukene
• Kongera ibikorwaremezo no gushyiraho ingamba zo kubirinda kwangirika n'ibindi.

Aya mahugurwa abaye mu gihe u Rwanda ruri kwitegura kwizihiza umunsi w’ubwigenge bwa Africa tariki 25 Gicurasi 2025, uzahurirana n'inama Kongere ya 4 y’uyu muryango mu Rwanda