Mu mpera z’icyumweru gishize, habaye Inama rusange y'Inama y'Igihugu y'Abagore (CNF) ku rwego rw'Akarere ka Nyarugenge. Hagaragajwe ibyagezweho mu kwesa imihigo  ya mutima w'urugo mu mwaka urangiye wa 2024-2025 ndetse habaho n’igikorwa cyo kumurika imihigo y'Umwaka tugezemo wa 2025-2026

Umuhigo wa Mutimawurugo wibanze ku “Kugira Umudugudu Ntangarugero mu Murenge” hakorwa ibikorwa bigamije impinduka n’iterambere rirambye (NST2). Muri make rero gushyira mu bikorwa umuhigo wa Mutimawurugo byafashije kwihutisha ibikorwa by’iterambere, kubaka ubufatanye n’abafatanyabikorwa, kugira umuco wo kugaragaza ibyakozwe no kwimakaza umuco wo gukorera ku mihigo

Iyi nama Rusange yitabiriwe n’Abayobozi Nshingwabikorwa b’Akarere ka Nyarugenge aribo Bwana Ingangare Alexis, Umuyobozi Nshingwabikorwa w’Akarere ndetse na Madamu Uwamahoro Genevieve, Umuyobozi Nshingwabikorwa Wungirije. Bose bashimiye abagore uruhare bagira mu Iterambere ry’Akarere ka Nyarugenge, banabasaba gukomeza Ibikorwa byiza bigamije iterambere ry’Imiryango cyane cyane iy’amikoro make.

Bimwe mu byakozwe mu bukungu:

• Kubarura amatsinda 105 akorera mu Mirenge yose
• Hasuwe amatsinda 78  akigishwa gukoresha   ikoranabuhanga
• Habyeho gukurikirana imikorere y’ amatsinda asurwa aho akorera
• Gufasha abagize amatsinda kwiteza imbere no kubahuza   n’ amahirwe ahari
• Guhugura abagize amatsinda(kwizigamira, gukoresha ikoranabuhanga,kwibumbira mu matsinda)

Muri make Inama y’Igihugu y’Abagore (CNF) mu Karere ka Nyarugenge yaremeye abagore bo mu miryango y’amikoro make ibintu bifite agaciro k’amafaranga y’u Rwanda agera kuri 113,708,000 Frw  ku buryo bukurikira:

• Amatungo maremare
• Inkoko  142
• Matelas 15
• Ibitenge
• Ibikoresho by’ Isuku
• Abagore 205 bahawe igishoro cyo kwiteza imbere
• Abantu 201 barihiwe ubwisungane mu kwivuza (MUSA)
• Hatanzwe Imashini zo kudoda 9 

Iyi nama yasojwe n’Igikorwa cyo gusinyana imihigo ya ba Mutima w'Urugo ya 2025-2026 hagati y’Umuhuzabikorwa w’Inama y’Igihugu y’Abagore(CNF) mu Karere ka Nyarugenge Madamu Agatesi Marie Laetitia Mugabo n’Umuyobozi Nshingwabikorwa w’Akarere Bwana Ingangare Alexis.

Umuhuzabikorwa wa CNF mu Karere ka Nyarugenge, Madamu Agatesi Marie Laetitia Mugabo yavuze ko bazakomeza gufatanya n’Akarere mu guharanira iterambere ry’abaturage.