Ejo hashize tariki 16 Werurwe 2026, Umuyobozi Nshingwabikorwa w’Akarere wungirje  Madamu Uwamahoro Genevieve yasuye ibyanya bigega byagenewe ubuhinzi bw’intangarugero (Food Basket SitesFOBASI) biiherereye mu Murenge wa Nyamirambo, Mageragere na Kigali mu rwego rwo kureba niba ubutaka bwa FOBASI buteguye kandi buteyeho ibihingwa. Ikindi cyari kugenzura niba abahinzi barahinze bakoresheje imbuto z'indobanure ndetse n'ifumbire mvaruganda ivanze n'iy'imborera tutibagiwe no kureba niba abahinzi barwanya indwara n'ibyonnyi by'ibihingwa;

Byari kandi mu rwego rwo kugenzura ko abahinzi bategurira kuri sites ifumbire y'imborera ikozwe mu byatsi ( biomas), kugenzura ko abahinzi bishyura ubwishingizi bw'ibihingwa ku bihingwa bibyemerewe ndetse no kugenzura ko abahinzi basobanukiwe no gufata neza umusaruro n’uburyo bazabonera isoko umusaruro wabo.

SITE YA RUGARAMA (26HA) GASHARU/NYAMIRAMBO

Hasuwe ubutaka bwose buhinze kandi biteyeho igihingwa cy'ibishyimbo kdi ntakibazo kidasanzwe twahasanze. Aha abahinzi bagiriwe inama yo kurundira hamwe muri buri tsinda ibyatsi byari bikikije imirima maze bikabyazwamo ifumbire.

SITE YA NYARUFUNZO (42HA) MU MURENGE WA MAGERAGERE

Aha ubutaka bwo mu gishanga buhinzeho imboga zitandukanye kdi zerera mu gihe kitarenze amezi 3 ( Dodo, beterave, amashu, imiteja, ibishyimbo bigufi,...)

Hagaragajwe ikibazo cy'icyonnyi cya Mukondo w'inyana, ikibazo cy'imirama y'amashu aho ingemwe zibora imizi iyo zimaze gufata. Hari kandi ikibazo cy'akajagari k'imboga zitandukanye mu gishanga. Abahinzi badusobanuriye ko guhera mu kwa 4 (mata) bazatangira guhinga mu gice kimwe inyanya, ikindi  amashu, ikindi poivron na dodo.

INAMA ZATANZWE:

• Hatanzwe inama zo gusibura imigende itwara amazi kuko yatangiye kuziba;
• Hatanzwe inama yo kujya bahinga bahingira isoko.
• Gutora mu murima utwo dusimba twa mukondo w'inyana maze tugatwikwa cg gukoresha  Rocket, Lambdex mu gihe barimo gutera imirama.
• Kutagurira imirama y'imboga ahabonetse hose.

SITE Y’AGAKOMEYE (8HA) MWENDO, KIGALI

Aha byagaragaye ko hari ubutaka bungana na ha 5 buhinzweho umuceri kdi wari ugiye kwera. Hagaragaye ikibazo cy'umwuzure watewe n'amazi menshi ava mu misozi ikikije igishanga. Aho ayo mazi yangije nka ari 25 z'umuceri.

Icyifuzo cy'abahinzi ni uko bakorerwa canal de ceinture y'igishanga maze hagacibwamo na canal secondaires  zohereza amazi muri Nyabarongo.