Inama Ngarukagihembwe ihuza Ubuyobozi Nshingwabikorwa bw’Akarere, abagize Biro z'Inama Njyanama z'Imirenge n’Abanyamabanga Nshingwabikorwa b'Imirenge igize Akarere ka Nyarugenge yarateranye kuri uyu wa 22 Ukuboza 2021.

Iyi nama yayobowe n’Umuyobozi Nshingwabikorwa w’Akarere ka Nyarugenge Bwana Ngabonziza Emmy washimiye Abajyanama batowe muri manda nshya ku kizere bagiriwe n’abaturage anabizeza ubufatanye n’inzego z’ubuyobozi. Yanagarutse ku bikorwa bitandukanye biteganywa n’Akarere muri iki gihe birimo n’Imihigo y'Akarere, ibibazo bibangamiye Imibereho myiza y’abaturage ndetse n’Ubukangurambaga bwiswe "Operation Kingira ubuzima" bugamije guhamagarira abatuye akarere ka Nyarugenge kwikingiza COVID-19 no kuyirinda.

Bwana Ngabonziza Emmy yasabye buri rwego kwita ku nshingano zarwo umuturage agahabwa srivisi nziza, abajyanama bakegera abaturage nk’intumwa zabo bagashobora kugeza ku buyobozi ibibazo bihari ndetse bakanatanga inama ku buryo byakemurwa, yongeye gusaba ko habaho inzego zose ziharanira gushyira umuturage ku isonga hagashyirwa ingufu mu kumufasha mu gucyemura ibibazo bimwugarije ndetse yibutsa ubukangurambaga mu kurwanya COVID 19.   

Abitabiriye inama bunguranye ibitekerezo n’ingamba zikwiye kuba zifatwa mu gucyemura ibibazo bibangamiye imibereho myiza y’abaturage bikigaragara mu Karere ka Nyarugenge birimo:

• Abadafite aho kuba
• Inzu zitameze neza
• Ubwiherero butujuje ibisabwa
• Isuku mu miryango
• Imirire mibi
• Kumenya abatarishyu umusanzu w’ubwisungane mu kwivuza (MUSA) 2021 -2022