Ibi ni bimwe mu byagarutsweho mu nama mpuzabikorwa ku bikorwa by’Ubuzima mu karere ka Nyarugenge yateranye kuri uyu wa gatatu taliki ya 2 Gashyantare 2022.

Iyi nama yitabiriwe n’Abayobozi b’Ibitaro, Ibigo Nderabuzima, amavuriro yigenga n'ayibanze. Hari kandi abayobozi ba za Poste de Sante mu karere, Abashinzwe Abajyanama b’ubuzima, Abashinzwe gahunda zo kuboneza urubyaro mu bitaro abakozimu ishami ry’Ubuzima  n’abayobozi b’akarere. Barebeye hamwe uko ibikorwa by’ubuzima bihagaze mu Karere ndetse n’uko ubuzima bw’abaturage bwakomeza kubungwabungwa.

Umuyobozi Nshingwabikorwa Wungirije w’Akarere ka Nyarugenge Madamu Nshutiraguma Esperance, yabasabye guha serivisi nziza abaturage bita ku bibazo bibugarije birimo imirire mibi y'abana iganisha ku kugwingira. Yongeye kugaruka kuri gahunda zitandukanye usanga zikiri inyuma zirimo kuboneza urubyaro kandi zanafasha mu kurwanya ibibazo bimwe na bimwe byibasira abana n’ababyeyi asaba ubufatanye n’inzego zitandukanye z’Ubuzima mu gucyemura ibyo bibazo.

Abitabiriye iyi nama kandi bongeye kurebera hamwe imihigo itandukanye Akarere kahize mu bijyanye n’ubuzima naho igeze ishyirwa mu bikorwa banareba uko yakwihutishwa,

Umuyobozi Nshingwabikorwa akaba yongeye gusaba abakoz batandukanye mu nzego z’ubuzima kumva ko mu gufasha abaturage kugira ubuzima buzira umuze ari no gufasha mu iterambere ry’Igihugu kuko abaturage nibatarwara bazabona umwanya wo gukora kandi amafaranga yagombaga gutangwa kwa muganga akazabafasha mu gukora ibindi bikorwa bakeneye aha akaba yanagarutse mu bufasha mu kwirinda haba kwiteganyiriza bagira ubwisungane mu kwivuza kugira ngo nugize ikibazo cy’ubzuiam ashobore kwivuza mu buryo bworoshye.