Mu nama yahuje Ubuyobozi  bw’Akarere ka Nyarugenge n'Abacukuzi ba Mine na Kariyeri bakorera muri ako karere kuri iyi tariki ya 26/10/2022 hakusanyijwe ubushobozi bw'Ibikoresho n'amafaranga maze biyemeza kubakira amacumbi meza imiryango 6 itishoboye muri gahunda yo gukemura ibibazo bibangamiye imibereho myiza n’umudendezo w’Abaturage.

Umuyobozi Nshingwabikorwa w’Akarere ka Nyarugenge Bwana Ngabonziza Emmy yabashimiye igikorwa cyiza bakoze ashimangira ko ari ibyagaciro kwishakamo ibisubizo.

Perezida w’Abakora mu bucukuzi bwa mine na kariye Bwana Ndahiro Jean Bosco yashimye imikoranire myiza bafitanye n’Akarere ka Nyarugenge avuga ko bazakomeza gufatanya n’akarere mu guharanira iterambere  n’imibereho myiza y’abaturage.

Iyi nama yahuje abakora mu bucukuzi bwa Mine na kariyeri yigaga ku ngingo zikurikira:

■ Kubahiriza amategeko agenga ubucukuzi

■ Kurengera ubuzima bw'abakora mu bucukuzi

■ Kugeza ibyiza biva mu bucukuzi ku bahaturiye

■ Kurengera ibidukikije

■ Imikorere n'imikoranire

Abari bateraniye mu nama y'Abacukuzi ba Mine na Kariyeri mu karere ka Nyarugenge batoye komite izabayobora igizwe na:

■ Perezida: Ndahiro Jean Bosco

■ Visi Perezida: Karera Fabrice

■ Umunyamabanga: Mukakabera Chantal

■ Umujyanama wa I: Rubazinda Callixte

■ Umujyanama wa II: Nsabimana Oda