Umuyobozi Nshingwabikorwa w'Akarere ka Nyarugenge, Bwana Ingangare Alexis ari kumwe n'Umukozi w'Urwego rw'Ubuyobozi Bukuru bushinzwe Abinjira n'Abasohoka (DGIE) mu Rwanda, kuri uyu wa 23 Nyakanga 2025 bayoboye umuhango wo kurahiza no kwakira indahiro z'Abanyamahanga 2 bahawe ubwenegihugu nyarwanda.

Abahawe ubwenegihugu ni aba bakurikira:

• Umurisa Merveille warufite ubwenegihugu bwa DRC
• Guy Saizonou warufite ubwenegihugu bwa Benin

Umuyobozi Nshingwabikorwa w'Akarere yahaye ikaze bariya Banyarwanda 2 bashya abasaba gufatanya n’abo basanze bagateza imbere Akarere n’Igihugu muri rusange. Abasaba kurangwa n’indangagaciro na kirazira biri mu muco nyarwanda anabibutsa kwirinda amacakubiri n’ibindi byateza amacakubiri mu banyarwanda.

Yanabakanguriye kwizigamira muri Ejo Heza, MUSA n’izindi gahunda za Leta zigamije Iterambere ryabo.