Umuyobozi Nshingwabikorwa w’Akarere ka Nyarugenge, Bwana Ingangare Alexis kuri uyu wa 15 Mutarama 2025 yatangije umukino ufungura Irushanwa ry'Umurenge Kagame Cup 2025. Ni umukino wahuzaga Umurenge wa Rwezamenyo n'Umurenge wa Nyarugenge. 

Umuyobozi Nshingwabikorwa w’Akarere yibukije abakinnyi n’abafana bari bitabiriye iyi mikino ikunzwe cyane mu karere ka Nyarugenge ko irushanwa "Umurenge Kagame Cup" rigamije kwimakaza imiyoborere myiza mu gihugu, rihuza amakipe y’abaturage mu nzego z’ibanze buri mwaka 

Uko Imikino yagenze mu mupira w’amaguru mu itangira ry'Irushanwa Umurenge Kagame Cup 2025 mu mirenge yose igize Akarere kacu ka Nyarugenge:

• Nyarugenge 1- 2 Rwezamenyo
• Kigali 4 - 0 Nyakabanda
• Muhima 1-1 Gitega (Penaliti 2-3)
• Kimisagara 2- 1 Kanyinya
• Mageragere 4-1 Nyamirambo

Umurenge Kagame Cup, ni irushanwa rihuza amakipe mu mikino itandukanye irimo umupira w’amaguru; Imikino y’amaboko “Volley-ball et basket-ball”; Imikino ngororamubiri; Imikino y’abafite ubumuga; Umukino w’amagare; Imikino gakondo nko gusimbuka urukiramende no kubuguza. Iyi mikino ihuza amakipe ahagarariye imirenge kuva ku rwego rw’akarere kugeza ku rwego rw’igihugu.

Irushanwa ‘Umurenge Kagame Cup’ ryatangiye muri 2006, ritangira ryitwa «Irushanwa ry’Imiyoborere Myiza» hagamijwe kwimakaza amahame y’imiyoborere myiza.