Mu rwego rwo gukurikirana uko amabwiriza yo gukumira ikwirakwizwa rya COVID-19 yubahirizwa mu Karere ka Nyarugenge, hashingiwe ku byemezo by’inama y’Abaminisitiri bitandukanye n’andi mabwiriza n’ingamba zafashwe z’inzego zitandukanye; Ubuyobozi bw’Akarere ka Nyarugenge bwashyizeho uburyo bwo gukurikirana iyubahirizwa ry’amabwiriza yo kurwanya COVID-19 muri OPERATION KINGIRA UBUZIMA NYARUGENGE,  ahazakorwa ibikorwa byo gukumira no kwirinda COVID 19; ndetse no gukurikirana ikemurwa ry’ibibazo bibangamiye “Umudendezo w’Abaturage”.

Atangiza buriya bukangurambaga, Umuyobozi Nshingwabikorwa w’Akarere ka Nyarugenge Madamu Nshutiraguma Esperance yasabye abacuruzi bakorera mu Nkundamahoro ahabereye icyo gikorwa ndetse n’abandi baturage bose batuye Akarere ka Nyarugenge kuba intumwa z’ubuyobozi ku bantu bose batarafata urukingo nka bumwe mu buryo bwo guhangana n’iki cyorezo. Yongeye kubibutsa zimwe mu ngamba zo guhangana n’iki cyorezo zirimo: kwikiza, kwamabara agapfukamunwa kandi neza, gukaraba intoki kandi kenshi, guhana intera n’ibindi

KURWANYA NO GUKUMIRA COVID-19

Nyuma yo kubona ko COVID 19 yihinduranya kandi ikaba yongeye kuzamuka, hashingiwe kandi ku Ibaruwa ya Minisitiri w’Ubutegetsi bw’Igihugu isaba ko hakorwa ubukangurambaga bwimbitse mu gukingirwa COVID19  kuva taliki ya 14 kugera ku ya 28/12/2021, kandi hagatangwa raporo ku italiki ya 30/12/2021, hashingiwe kandi ku bihe bidasanzwe turi kujya mo by’iminsi mikuru isoza umwaka, aho abantu benshi bahura kandi biri mu bitera ikwirakwizwa ry’icyorezo cya  COVID 19, Akarere ka Nyarugenge kashyize ho ingamba zo kwirinda no kurwanya Kovid 19, zikubiye mo ibikorwa bikurikira:

• Kumenya abatarakingirwa mu masibo n’abakora mu bigo, amahotels, utubari, Restaurants…, bagashishikarizwa gukingirwa
• Gushishikariza ababyemerewe kwikingiza urukingo rwo gushimangira, hatangiriwe ku bayobozi
• Kugenzura abitabiriye ibirori by’ubukwe ndetse no gutambutsa muri ibyo birori ubutumwa bujyanye no  kwirinda no gukingirwa COvid 19
• Kwegera no gufasha abanyantege nke batarakingirwa bari hirya no hino mu ngo, kugira ngo bakingirwe.
• Gukurikirana by’umwihariko ahantu hahurira  abantu benshi

GUKEMURA IBIBAZO BIBANGAMIYE UMUDENDEZO W’ABATURAGE

Ibibazo bibangamiye umudendezo w’abatuage, ni bimwe mu bibazo bituma umubiri w’umuntu ushobora kwandura  indwara zimwe na zimwe kandi zishobora kwirindwa.

Nk’uko biri muri gahunda ya Leta y’u Rwanda yo gukemura ibibazo bibangamiye imibereho myiza y’abaturage, muri Operation Kingira ubuzima Akarere ka Nyarugenge muri HSI, Ibibazo Ibibazo bibangamiye umudendezo w’abaturage bikubiye mo:

• Kubakira abadafite aho kuba
• Gusana inzu zimeze nka Nyakatsi
• Kubakira Ubwiherero abatabufite
• Kubaka ubwiherero butujuje ibisabwa
• Kureba isuku mu miryango
• Kurwanya imirire mibi
• Gufasha imiryango ibana n’amatungo gutandukana nayo
• Kumenya abatarishyura umusanzu w’ubwisungane mu kwivuza mu mwaka wa 2021-2022