Urubyiruko rw’Abakorerabushake mu Murenge wa Gitega uyu munsi Tariki ya 30 Nyakanga, 20205 rwabyugikiye mu gikorwa cyo gukangurira abaturage ibyiza byo kujya mu bwisungane mu kwivuza (Mutuelle de Sante) aho bagendaga inzu ku yindi bibutsa abaturage kwitabira Ubwisungane mu kwivuza kugira ngo hatagira abarembera mu ngo kubera kutajya mu bwisungane mu kwivuza.

Ngirinshuti Iragena Gisele ni Umuhuzabikorwa w’Urubyiruko rw’Abakorerabushake mu Kagari ka Akabeza mu Murenge wa Gitega nawe yari ari hamwe n’urubyiruko rwakoze iki gikorwa. Yagize ati: “Uwo twasangaga atarishyura twamusobanuriraga akamaro ko kwitabira ubwisungane mu kwivuza yabyumva bakamufasha kwishyura akoresheje ikoranabuhanga bityo akishyura akoresheje telefoni ye bitabaye ngombwa ko ava iwe ngo akore urugendo”

Mu bindi bikorwa urubyiruko rw’Abakorerabushake bo mu Murenge wa Gitega bakora twavuga:

• Kurwanya igwingira n’imirire mibi mu bana: aha bigisha ababyeyi gukora uturima tw’Igikoni kugira ngo babone imboga zo kugaburira abana babo.
• Kwiigisha ababyeyi uko bategura indyo yuzuye
• Igitondo cy’Isuku n’isukura: bakora isuku muri za ruhurura, mu tuyira two mu ngo z’abaturage ndetse no mu ngo ubwaho. Hari kandi gutora amacupa n’indi myanda iba inyanyagiye mu nzira n’ibindi.
• Gufasha mu kurwanya ubuzererezi: aha bakangurira abana bari mu mihanda kubireka bagasubira iwabo mu ngo bagasubizwa mu mashuri.
• Gufasha abatishoboye mu kubasanira ubwiherero, kubasanira amazu n’ibikoni. Hari no kuvuganira abadafite Mituwele bagafashwa kuzibona.
• Kurwanya ubusinzi
• Kurwanya ibiyobyabwenge mu rubyiruko n’ibindi.