Kuri uyu wa Kabiri tariki ya 13 Mutarama 2026 mu Karere ka Nyarugenge kimwe n'ahandi hose mu Gihugu, hatangijwe Urugerero rw’Inkomezabigwi 13. Urugerero rw’Inkomezabigwi icyiciro cya 13, rwitabiriwe n’urubyiruko rwarangije amashuri yisumbuye mu mwaka wa 2024/2025. Ni igikorwa cyabereye mu Mirenge 10 igize Akarere kandi cyitabiriwe n’abatoza n’inzego zitandukanye zikorera mu karere zirimo iz'umutekano.

Ku rwego rw'Akarere, Urugerero inkomezabigwi 13 rwatangirijwe mu Murenge wa Kimisagara (Maison des Jeunes) , ahahuriye intore zo mu Mirenge 6 : Kimisagara, Muhima, Gitega, Nyakabanda, Nyarugenge na Rwezamenyo. 

Mu butumwa butangiza Urugerero, Umuyobozi Nshingwabokorwa w'Akarere Bwana Ingangare Alexis yasabye intore kuzaba indashyikirwa. 

Uru rubyiruko rw’Intore rwasabwe kuzarangwa n’umwete mu bikorwa by’Urugerero bazakora bigamije iterambere n'imibereho myiza y'abaturage birimo kubakira abatishoboye, ubukangurambaga bw'isuku n’isukura, kurwanya igwingira n’imirire mibi, guhugura abaturage ku mikoreshereze y’ikoranabuhanga n’ibindi

Intumwa ya Minubumwe Bwana Kazasomako Evode , mu mpanuro ze yagarutse ku kamaro k'Urugerero ku ntore, ku babyeyi no ku Gihugu. 

Mu yindi Mirenge intore zari kumwe n'Umuyobozi Nshingwabokorwa wungirije Madamu Uwamahoro Genevieve yifata By'umwihariko abagize inzego z'Umutekano  bashimangiye ubufatanye muri iki gikorwa. 

Ubwitabire: 873 

Abagore: 403

Abagabo: 470

“Duhamye umuco w'Ubutore twimakaza ubumwe n'ubudaheranwa”