Kuri iki cyumweru tariki ya 12 Kamena 2022, kuri Hotel St famille hasojwe amahugurwa y'abagize Inama Njyanama z'Imirenge yose igize Akarere ka Nyarugenge aya mahugurwa akaba yarateguwe kubufatanye bwa CRD(Citizen Right Development) aterwa inkunga na Never Again Rwanda, akaba yari agamije kongera gusobanurira aba bajyanama inshingano zabo n'imikorere n'imikoranire bagirana n'izindi nzego.

asoza aya mahugurwa Minisitiri w'Ubutegetsi bw'Igihugu yibukije ko Umujyanama u Rwanda rwifuza ni uharanira kandi ushyira imbere inyungu z’umuturage ahagarariye, ni ubaza inshingano abakozi bashinzwe serivisi ku muturage; ni umujyanama kandi ushaka ibisubizo ku bibazo abaturage bafite, akanakurikirana ishyirwa mu bikorwa ry’imyanzuro

yongeye kwibutsa aba bajyanama ko nzego z’ibanze zishinzwe ibintu 5 by’ingenzi: Gutanga serivisi nziza ku muturage (inziza ni itangiwe ku gihe, ku kiguzi kigenwa n’amategeko & itangiwe heza); Gukemura ibibazo by’abaturage Kurwanya akarengane & ruswa Kubakorera ubuvugizi Kwigisha & guhugura abaturage