Mu gusoza imurikabikorwa ry’Abafatanyabikorwa (JADF) kuri uyu wa gatanu tariki 27 Gicurasi 2022, Bwana Ngabonziza Emmy, Umuyobozi Nshingwabikorwa w’Akarere ka Nyarugenge yashimiye abafatanyabikorwa ku ruhare bakomeje kugaragaza mu iterambere ry’Akarere abasaba gukomeza gushyira Umuturage ku isonga mu byo bakora byose.

Yashimye bimwe mu bikorwa bakoze birimo  kubakira  amazu abatishoboye, kwishyura ubwisungane mu kwivuza, kugura ibikoresho by’amavuriro,gufasha  abagezweho n’ingaruka za COVID19 n’ibindi.

Iri murikabikorwa ry’iminsi 4 ryatangiye tariki 24 rirangira tariki ya 27 Gicurasi 2022. Mu gikorwa cyo kuritangiza Umuyobozi w’Umujyi wa Kigali Bwana Rubingisa Pudence yasabye abaryitabiriye gukomeza guhuza imbaraga kuko hari byinshi bagikeneye kugeraho birimo impinduka nziza mu mibereho y’abaturage.

Dr Usta Kayitesi yasabye abafatanyabikorwa b’Akarere ka Nyarugenge kurangwa na serivisi nziza kandi zihuse no gukomeza gushyira hamwe mu gukorera neza abaturage agira ati: “Ubumwe bwacu nizo mbaraga zacu”.

Tubibutse ko iki ari igikorwa ngarukamwaka.