Umuyobozi Nshingwabikorwa w’Akarere ka Nyarugenge Wungirije Madamu Uwamahoro Genevieve yatangije Icyumweru cyahariwe ubuzima bw’Umubyeyi n’Umwana gihera 13-17 Mutarama 2025 ku nsanganyamatsiko igira iti: " Hehe n'igwingira: Twite ku buzima by’Umubyeyi utwite , umwana, Umwanganvu, imirire n’Isuku, dukingize abana inkingo zose." Madamu Uwamahoro Genevieve yasabye ababyeyi bombi umugabo n’umugore kurushaho kugira uruhare mu kwita ku buzima bw’abana babo ku buryo bw’umwihariko akangurira abagabo kurushaho kwita ku buzima bw’abana, abagore batwite ndetse n’abonsa kuko iyo batitaweho bikwiriye ubuzima bwabo butagenda neza. 

Ibizakorwa muri iki cyumweru:

• Gutanga ibinini bya vitamin A ku bana bari hagati y’amezi 6-59
• Guha abana ibinini bivura inzoka zo mu nda na Bilariziyoze
• Inyongeramiririre ya ‘ongera intungamubiri’ ku bana bari hagati y’amezi 6-3
• Gukingira abana bakikanywe n’inkingo batarengeje amezi 59
• Gusuzuma imikurire n’imirire y’abana bari munsi y’imyaka 5
• Serivisi zo kuboneza urubyaro
• Gushishikariza ababyeyi kwipimisha inda inshuro 8
• Kwirinda inda z’imburagihe mu bangavu
• Kwimakaza umuco w’Isuku mu mirire n’aho dutuye
• Kwirinda malariya n’igwingira duha ababyeyi n’ababyeyi indyo yuzuye

Aho ibyo bikorwa bizakorerwa:

• Ibigo Nderabuzima
• Amavuriro y’Ibanze (health Posts)
• Amashuri
• Ibigo mbonerazamikurire n’ahandi