Mu kagari ka Nyabugogo, umurenge wa Kigali kuri uyu wa 25 Ugushyingo 2022 niho habereye Igikorwa cyo gutangiza ubukangurambaga bw’iminsi 16 bugamije kurwanya ihohotera rishingiye ku gitsina ku rwego rw’Akarere ka Nyarugenge. Ni igikorwa gifite Insanganyamatsiko igira iti “Dufatanye ,twubake umuryango uzira ihohoterwa”

Madamu Nshutiraguma Esperance, Umuyobozi Nshingwabikorwa Wungirije w’Akarere ka Nyarugenge wari Umushyitsi mukuru muri iki gikorwa yasabye buri wese kugira uruhare mu kurwanya ihohoterwa, asaba urubyiruko kwiga kuvuga OYA ku babashuka babashora mu ngeso mbi zibaviramo inda zitateganyijwe n'indwara, asaba ko bakurikiza inama bagirwa n'ababyeyi aho kwivumburira ibyabo.

Madamu Agatesi Marie Laetitia Mugabo, Umuhuzabikorwa w’Inama y’Igihugu y’Abagore mu karere ka Nyarugenge, yagarutse ku bizakorwa muri iyi minsi 16:

- Gusura imiryango ibana mu makimbirane

- Gufasha abahohotewe kubona ubutabera

- Gukangurira abaturage kudahishira abahohotera abandi

- Gusezeranya ababana batarasezeranye nibindi

Iki gikorwa cyitabiriwe n’Abafatanyabikorwa banyuranye barimo DUHAMIC ADRI, Profemmes Twese Hamwe, CNF, CNJ, Abahagarariye Amakoperative y’Abagore, IZU, Abahagarariye Urubyiruko rw’Abakorerabushake, Children Voice Today n’abandi.