Umuyobozi Nshingwabikorwa w’Akarere ka Nyarugenge Bwana Ngabonziza Emmy yatangije amarushanwa y'isuku, isukuri no kurwanya igwingira mu bana. Ni amarushanwa yateguwe n’Umujyi wa Kigali ku bufatanye na Polisi y’Igihugu akaba yatangijwe mu Mirenge yose y'Akarere ka Nyarugenge n’ahandi mu gihugu.

Bwana Ngabonziza Emmy, Umuyobozi Nshingwabikorwa w’Akarere ka Nyarugenge yasabye buri wese yaba Umuyobozi yaba umuturage guharanira ko agace atuyemo kagira isuku ndetse n’abana bose bakarimo bakarindwa igwingira.

UMUSARURO UTEGEREJWE:

Umuco wo kugira isuku ahadukikije hose

Gutuma ababyeyi bagira umuco n’uburyo bwo kunoza amafunguro agenerwa abana bityo hirindwe igwingira;

Kurwanya indwara ziterwa n’umwanda binyuze mu kugira isuku hose

IBIHEMBO:

Ku rwego rw’Intara n’Umujyi wa Kigali hazahembwa:

Akarere ka mbere mu ntara: Kazahabwa igikombe n’Icyemezo cy’Ishimwe (Certificate) Umurenge wabaye uwa mbere mu ntara/Umujyi wa Kigali uzahabwa igihembo cy’amafaranga miliyoni makumyabiri n’eshanu (25,000,000 Frw) azakoreshwa n’umurenge mu gukomeza ibikorwa by’isuku n’umutekano

Ku rwego rw’akarere:

Umurenge uzahiga iyindi utahawe imodoka uzahabwa amafaranga miliyoni imwe n’igice n’Icyemezo cy’Ishimwe (Certificate)

Akagali kazahiga utundi mu akarere kazahabwa amafaranga miliyoni imwe y’u Rwanda n’Icyemezo cy’Ishimwe

Imidugudu 3 izahiga indi mu karere nayo  izahembwa