Kuri uyu wa gatanu mu Murenge wa Kimisagara hatangirijwe ukwezi kwahariwe gutekereza k'Ubumwe n'Ubwiyunge n'ukwezi kwahariwe ibikorwa by'ubukorerabushake.

ibi bikorwa bikaba byatangijwe n'Umuyobozi Nshingwabikorwa w'Akarere ahatewe igiti cy'amahoro ku biro by'Umurenge wa Kimisagara hanakorwa urugendo.  uyu mwaka insanganyamatsiko ikaba ari “NDI Umunyarwanda mu murage w’abadaheranwa”.

Muri iki gihe hakaba hazakorwa ibikorwa bitandukanye birimo: Uruhare rw’Urubyiruko mu bumwe n’ubwiyunge,Gahunda y’Abarinzi b’Igihango; Isanamitima mu rubyiruko,Gukumira ihererekana ry’ibikomere by’amateka ku rubyiruko,Ubudaheranwa bw’Abanyarwanda mu guhangana n’ingaruka z’ivangura n’amacakubiri n’iza Jenoside yakorewe Abatutsi; na  Ndi Umunyarwanda: Icyomoro n’Igihango.