Umuyobozi Nshingwabikorwa Wungirije w’Akarere ka Nyarugenge Madamu Nshutiraguma Esperance hamwe n’Umuyobozi w’Umushinga “Gikuriro Kuri Bose” muri Catholic Relief Services (CRS) Bwana Alemayehu Gebremariam batangije ibikorwa by’umushinga ugamije kwita ku mikurire y’abana bato, ingimbi n’abagore binyujijwe mu kubakira ubushobozi imiryango

Mu ijambo rye, Madamu Nshutiraguma Esperance yijeje abakozi n’abayobozi b’uyu mushinga ko bazafatanya mu kurandura igwingira, kurwanya imirire mibi mu bana n’ibindi bibangamiye imiryango.

Bwana Alemayehu Gebremariam yavuze ko bazafasha abagore gukora amatsinda yo kuguriza, bakarwanya imirire mibi mu bana, bagafasha abagenerwabikorwa kwiyubakira uturima tw’igikoni aho bishoboka ndetse bakigishwa kwibumbira mu matsinda hagamijwe kwizigamira no kugurizanya. Yongeyeho ko hazaho na gahunda zo gufasha abajyanama b’ubuzima ndetse no kuzamura imiryango ikennye ari nayo irangwamo imirire mibi mu baba n’igwingira ry’abana.