Ku bitaro b’Akarere ka Nyarugenge kuri uyu wa 9 Gashyantare 2024 habereye Igikorwa cy’Ihererekanyabubasha hagati ya Dr Abimana Deborah warusanzwe ayobora Ibitaro by’Akarere ka Nyarugenge ndetse na Dr. Lt. Col Kanyankore William, umuyobozi mushya w’ibi bitaro.

Iki gikorwa cy’Ihererekanyabubasha cyahagarikiwe na Minisitiri w’Ubuzima Dr. Nsanzimana Sabin hari kandi n’Umuyobozi Nshingwabikorwa w’Akarere ka Nyarugenge gaherereyemo ibi bitaro Bwana Ngabonziza Emmy, abakozi b’ibitaro n’abandi.

Ari kumwe na Bwana Ngabonziza Emmy, Umunyamabanga Nshingwabikorwa w’Akarere ka Nyarugenge, Minisitiri w’Ubuzima Dr. Nsanzimana Sabin yabanje gusura serivisi zitangirwa muri ibi bitaro ndetse nyuma y’Ihererekanyabubasha agirana Inama n’abakozi b’Ibitaro bamugejejeho ibibazo n’ibyifuzo byabo biganirwaho.

Minisitiri Nsanzimana Sabin yasabye abakozi b’ibi bitaro gukorana umurava akazi kabo no guha serivisi nziza abagana ibitaro.