Mu nteko y’abaturage yabaye ejo hashize Tariki ya 25 Ugushyingo 2025 mu Murenge wa Kimisagara, Akagari ka Kimisagara umudugudu wa Buhoro abaturage bibukijwe ko ihohoterwa rigira ingaruka ku bantu bose baba abari mu muryango riberamo ndetse no mu miryango begeranye. 

Umuyobozi Nshingwabikorwa w’Akarere Wungirije Madamu Uwamahoro Genevieve yasobanuye ko Ihohoterwa ari igikorwa icyo aricyo cyose gikorerwa umuntu haba ku mubiri ndetse no mu ntekerezo kigatuma agira imitekerereze irimo ihungabana. Yasabye abaturage kurwanya ihohoterwa batizigamye aho babonye uwahuye n’Ihohotera bakamwohereza ku Isange One Stop Center bakamufasha mu bijyanye n’ubuzima bwe nta kiguzi.

 Ibiganiro byatanzwe :

• Ikiganiro cyo Kurwanya ihohotera rishingiye ku gitsina cyatanzwe n'umukozi w'ubushinjacyaha bukuru mu karere ka Nyarugenge
• Ikiganiro cyo Kurwanya icuruzwa ry'abantu cyatanzwe n'umukozi w'ubushinjacyaha
• Ikiganiro kuri service z'irembo cyatanzwe n'umukozi w'irembo n’ibindi.

Ibindi byakozwe muri iki gikorwa: 

• Hatanzwe certificate ku nshuti z'umuryango bashimirwa uruhare rwabo mu kurwanya ihohoterwa rishingiye kugitsina
• Hapimwe indwara zitandura
• Hatanzwe serivisi z'irangamimerere

Ubu bukangurambaga bw’iminsi 16 yo kurwanya ihohoterwa rishingiye ku gitsina bwatangijwe mu Mirenge yose Igize Akarere ka Nyarugenge uko ari 10 ariyo Mageragere, Kanyinya, Kigali, Nyamirambo, Nyakabanda, Rwezamenyo, Nyarugenge, Muhima, Gitega na Kimisagara.