Minisiteri y'Uburinganire n'Iterambere ry'Umuryango ivuga ko Umunsi Mpuzamahanga w'Umugore wo mu Cyaro wizihizwa buri tariki ya 15 Ukwakira hagamijwe kureba uburyo umugore wo mu cyaro abayeho, ibibazo agihura na byo, ingamba ziriho zo kubikemura n'uruhare rwe mu iterambere ry'igihugu.

Kimwe n’ahandi mu gihugu, ku rwego rw’akarere ka Nyarugenge uyu munsi 15/10/2022 wizihirijwe mu murenge wa Mageragere akagari ka Kankuba umudugudu wa Rugendabari aho abawitabiriye bamuritse Ibikorwa by’abagore bo mu cyaro, batera igiti cyiswe icy'umurinzi w'ubumwe n'ubudaheranwa, habaho kuremera abagore bo muri ako gace bahabwa inka n’ibindi bikoresho ndetse hanabayeho n'igikorwa cyo gupima indwara zirimo umutima, umuvuduko w'amaraso, diabete, Cancer y'Ibere n'izindi.

Ikindi gikorwa cyaranze uyu munsi n’uko Abahuzabikorwa b’Inama y’Igihugu y’Abagore (CNF) mu murenge wa Mageragere basinyanye Imihigo y’umwaka 2022/2023 n’ubuyobozi bw’Umurenge.

Iki gikorwa cyitabiriwe na Madamu Murebwayire Uwase Mariam ushinzwe amategeko mu nama y’Igihugu y’Abagore ku rwego rw’Umujyi wa Kigali, Madamu Agatesi Mugabo Marie Laetitia Umuhuzabikorwa w’Inama y’Igihugu y’Abagore ku rwego rw’Akarere ka Nyarugenge, Abayobozi n’abakozi mu karere ka Nyarugenge, abayobozi n’abakozi b’Umurenge wa Mageragere n’abaturage