Kimwe n’ahandi hose mu gihugu, mu karere kacu ka Nyarugenge hari kuba gahunda yo kwita ku rubyiruko mu biruhuko. Iyi gahunda ifite insanganyamatsiko igira iti: “Ubuzima Bwiza, Agaciro Kanjye”. Ni gahunda igamije gukomeza kubungabunga ubuzima bw’urubyiruko mu gihe cy’ibiruhuko, kubarinda ubuzererezi no gukomeza kubatoza umuco wo gukunda igihugu.

Iyi gahunda yatangiye Tariki 23/07/2025 ikazageza Tariki 29/08/2025. Ikorwa inshuro 3 mu cyumweru: kuwa mbere, kuwa gatatu no kuwa gatanu kuva 13H00-16H00.  

Iyi gahunda yitabirwa n’Urubyiruko ndetse n’abana bari mu byiciro bikurikira:

• Icyiciro cya mbere: abana bafite imyaka 10-13
• Icyiciro cya kabiri: imyaka 14-16
• Icyiciro cya gatatu: imyaka 17-24

Muri iyi gahunda abana n’urubyiruko bazatozwa ibi bikurikira: 

• Isuku n’isukura
• Umuco
• Amateka n’Indangagaciro
• Umurimo no kwizigamira
• Ubuzima bw’imyororokere
• Ubuzima bwo mu mutwe
• Kurwanya ibiyobyabwenge
• Kurwanya icuruzwa ry’abantu
• Uburenganzira bw’umwana
• Uburinganire n’inshingano z’umwana
• Gukoresha neza imbuga nkoranyambaga
• Imyidagaduro na siporo

Iyi gahunda kandi irareba abiga n’abatiga.