Mu murenge wa Muhima hatangijwe ubukangurambaga bwo kuzamura ubwisungane mu kwivuza. Umurenge wagaragaje Ingamba zidasanzwe mu rwego rwo gukangurira abaturage kwitabira ubwisungane mu kwivuza hagamijwe kwirinda ko hatagira urembera mu rugo kubera kubura amafaranga y’ubwishyu bwo kwivuza. Izo ngamba zirimo: 

• Igitondo cyahariwe ubukangurambaga bwo kuzamura ubwisungane mu kwivuza
• Umugoroba wahariwe ubukangurambaga bwo kuzamura ubwisungane mu kwivuza

Igitondo cyahariwe ubukangurambaga bwo kuzamura ubwisungane mu kwivuza kirimo gukorwa n’abakozi b’Umurenge wa Muhima n’utugari twose aho bagenda inzu ku nzu bakangurira abaturage kujya mu bwisungane mu kwivuza. Barareba urugo ku rugo n’impamvu zituma hari abadafite ubwisungane mu kwivuza maze niba hari abadashobora kubona ubwishyu bakorerwe ubuvugizi mu bafatanyabikorwa b’umurenge nk’imiryango ya sosiyete sivile, za NGOs n’abandi. 

Umugoroba wahariwe ubukangurambaga bwo kuzamura ubwisungane mu kwivuza wo urimo gukorwa na Komite zinyuranye zikorera mu Murenge, Utugari, Umudugudu n’Isibo. Izo komite zigizwe n’aba bakurikira: 

• Komite Nyobozi z’Imidugudu
• Abagize Inama Njyanama z’Utugari n’Imirenge
• Ba Mutwarasibo
• Abajyanama b’ubuzima
• Komite z’Inama y’Igihugu y’Urubyiruko
• Inama y’Igihugu y’Abagore
• Urubyiruko rw’Abakorerabushake n’abandi bafatanyabikorwa
• Hari kandi n’Abafatanyabikorwa bafite ubushobozi bafasha imiryango itishoboye: za NGOs, amadini, ibigo bikorera mu Murenge wa Muhima n’abandi.