Tariki ya 25 Gicurasi mu Karere ka Nyarugenge hibutswe Urubyiruko rwishwe muri Jenoside yakorewe Abatutsi mu 1994, naho tariki ya 26 Gicurasi hibutswe Abagore n'Abana bishwe muri Jenoside yakorewe Abatutsi.

ibi bikorwa byombi byabanjirijwe no kunamira inzirakarengane zisaga ibihumbi 105,600 zishyinguye mu Rwibutso rwa Jenoside yakorewe Abatutsi rwa Nyanza mu Karere ka Kicukiro, aho abarenga ibihumbi 3000 bishwe tariki ya 11 Mata 1994 bakicirwa kuri uyu musozi wa Nyanza.

Ari abagore n'Urubyiruko basuye uru rwibutso basobanuriwe anateka yarwo, aho Abatutsi basaga ibihumbi 3000 bari barahungiye kuri ETO Kicukiro ahari hari ingabo za MINUAR bizeye umutekano, ariko izo ngabo zikaza kubasiga kuri iyi tariki ya 11 Mata 1994, Interahamwe zikabafata zigamije kubicira kuri Sonatube ariko uwari Umuyobozi w'Umujyi wa Kigari Renzaho Tharcisse akaza gutegeka ko bajyanwa ku musozi wa Nyanza hari hasanzwe hamenwa imyanda y'Umujyi wa Kigali akaba ariho bicirwa.

Urubyiruko rwibutso rugenzi rwarwo rwishwe muri jenoside yakorewe Abatutsi rwasabwe gukomeza gukorera Igihugu bahangana n'uwagarura Ingengabitekerezo ya Jenoside.

Abagore basabwe gukomeza kurerera u Rwanda bagatoza abana gukunda Igihugu no guharanira ko buri munyarwanda abaho kandi akabaho neza.