Kimwe n’ahandi hose mu gihugu, mu mirenge yose igize Akarere ka Nyarugenge hizihirijwe Umunsi w’Intwari z’Igihugu. Ku rwego rw’Akarere uyu munsi wizihirijwe mu murenge wa Nyamirambo mu cyumweru gishyize Tariki 1 Gashtantare 2026 witabirwa na Hon. Depite Izere Ingrid Marie Parfaite, Umuyobozi Nshingwabikorwa w'Akarere ka Nyarugenge Bwana Ingangare Alexis, Abayobozi mu nzego z’Umutekano n’izindi nzego zinyuranye. Uyu munsi ukaba wararanzwe n’ibikorwa bitandukanye birimo:

• Imbyino n’indirimbo
• ⁠Ibiganiro ku mateka y’ubutwari mu Rwanda n’indangagaciro zabwo (Ubumwe, Gutekereza mu buryo bwagutse, kwemera kubazwa inshingano n’ibindi)
• ⁠Gushimira bamwe mu bahoze ari ingabo za RPA bamugariye ku rugamba
• Kwishimira ibyagezweho mu kwiyubaka no kubaka Igihugu
• ⁠Imivugo irata Intwari z’Igihugu,
• ⁠Gushyigikira gahunda zo kuzamura imibereho myiza y’abaturage 

Umushyitsi mukuru Hon. Izere Ingrid Marie Parfait, mu ijambo rye yagarutse ku bigwi byaranze Intwari z’Igihugu, ashishikariza urubyiruko gusigasira ibyagezweho no gushingira ku mahirwe igihugu cyacu cyahaye Abanyarwanda bose. Yanasabye urubyiruko kwimakazwa indangagaciro zo gukunda igihugu, gukunda umurimo, gusigasira no kurinda ibyagezweho.