Umuyobozi Nshingwabikorwa w’Akarere ka Nyarugenge, Madamu Nshutiraguma Esperance kuri uyu wa 8 Ugushyingo 2023 yifatanyije n'abaturage bahinga mu gishanga cya Nyarufunzo mu murenge wa Mageragere aho bakoze Umuganda udasanzwe wo kubagara ibigori biteye ku buso bwa hegitari 16 hakoreshejwe ifumbire hanaterwa umuti urwanya nkongwa

Madamu Nshutiraguma Esperance yashimiye abahinzi ko bafatiye ibihingwa byabo ubwishingizi nk'uburyo bwo kubarinda ibihombo, abasaba gukomeza gutera imiti barwanya nkongwa, kwitabira gahunda za Leta nk’ubwisungane mu kwivuza (MUSA) kwizigamira muri Ejo Heza n'izindi ndetse yibutsa Abafashamyumvire b'ubuhinzi gukomeza kwegera abahinzi bakabafasha.

Iki gishanga cya Nyarufunzo gifite ubuso bwa ha 58 gikora ku mirenge 3: Mageragere, Nyamirambo na Kigali gikoreramo abahinzi 500 bibumbiye muri koperative 3 arizo Urumuri Ikorera Mageragere, iyitwa COCUGU ikorera mu murenge wa Kigali na Dusezerere Ubukene ibarizwa Nyamirambo