Kuri iyi tariki ya 7 Mata 2022 kimwe n’ahandi hose mu gihugu Akarere ka Nyarugenge kibutse Abazize Genocide yakorewe Abatutsi muri Mata 1994. Iki gikorwa cyabereye ku rwibutso rwa Butamwa Umurenge wa Mageragere, Akagari ka Kankuba Umudugudu wa Kankuba. Ni igikorwa cyitabiriwe na Ms Urujeni Martine Umuyobozi wungirije w’Umujyi wa Kigali ushinzwe Ubukungu n’Imibereho myiza y’Abaturage. Mu ijambo rye ubwo yatanganga ubutumwa bw'ihumure ku bitabiriye igikorwa cyo kwibuka yihanganishije Abarokotse Genocide asaba buri wese kwirinda imyitwarire n’imvugo ziganisha ku ngengabitekerezo ya Genocide.

Bwana Ngabonziza Emmy, Umuyobozi Nshingwabikorwa w’Akarere ka Nyarugenge yashimiye Ingabo zari iza RPF Inkotanyi ko zahagaritse Jenoside maze umunyarwanda akongera kubaho atekanye. Mu bandi bitabiriye iki gikorwa harimo Madamu Nshutiraguma Esperance Umuyobozi Nshingwabikorwa Wungirije w’Akarere ka Nyarugenge, Uhagarariye IBUKA, Inzego z'umutekano n'abandi.

Mu mirenge yose y’Akarere ka Nyarugenge bazibuka muri ubu buryo bukurikira:

Umurenge wa Nyarugenge bazibuka taliki ya 10/04/2022 bibere muri Camp Kigali

Umurenge wa Kanyinya bazibukira ku biro by’Umurenge taliki ya 11/04/2022.

Umurenge wa Mageragere bazibukira ku biro by’umurenge taliki 12/04/2022

Umurenge wa Gitega bazibukira ku kagari ka Kora taliki ya 14/04/2022

Umurenge wa Kimisagara uzibuka taliki ya 16/04/2022 kuri Maison des Jeunes

Umurenge wa Muhima bazibuka taliki ya 22/04/2022 bibere ST Famille

Umurenge wa Kigali bazibuka taliki 29/04/2022 bikazabera Ruliba/Nyabarongo

Umurenge wa Nyakabanda bazibuka taliki ya 09/05/2022 bikazabera ku Murenge

Umurenge wa Nyamirambo bazibuka taliki 20/05/2022 bikazabera Mumena/St Nicolas

Umurenge wa Rwezamenyo bazibuka 06/06/2022 bikazabera kuri St Joseph