Mu rwego rwo gusuzuma ibipimo by'ubuzima no gufata ingamba zo kunoza imitangire ya serivisi z'ubuzima mu Karere kacu ka Nyarugenge, Umuyobozi w’Imirimo Rusange, Madamu Murebwayire Betty yayoboye inama ya DHMT (District Health Management Team) y'Akarere yahuje inzego zitandukanye zifite uruhare mu buzima zirimo Ibitaro bya Muhima na Nyarugenge, Ibigo Nderabuzima 10 byo mu karere ka Nyarugenge, amavuriro yigenga, amavuriro yo mu rwego rw’ibanze, Ikigo cya RSSB, icya RMS n’abakozi bo mu Ishami rifite Ubuzima mu nshingano zabo mu Karere.

• Inama yasuzumye uko ibipimo by'ubuzima bihagaze mu Karere ka Nyarugenge
• Ingamba zo kwitegura isuzuma rikorerwa ibitaro mu rwego rwo kugaragaza urwego ibyo bitaro bigezeho mu mitangire ya serivisi.
• Banaganiriye ku mabwiriza mashya ajyanye n’itangwa ry’inyunganiramirire (shisha kibondo, amata bihabwa abana bagaragaweho n’imirire mibi)

Abitabiriye Inama bemeranyije gukaza ingamba mu gukumira ko ababyeyi babyarira mu ngo ahubwo hagaharanirwa ko bose babyarira kwa muganga ndetse no kurushaho gufatanya mu kurwanya inda ziterwa abangavu.

Tubibutse ko Akarere ka Nyarugenge gafite ibitaro 2 by’Akarere aribyo: 

• Ibitaro bya Muhima
• Ibitaro bya Nyarugenge

Akarere kandi gafite ibigo Nderabuzima 10 aribyo:

• Ikigo nderabuzima cya Rugarama mu Murenge wa Nyamitrambo
• Ikigo Nderabuzima cya COR UNUM mu Murenge wa Kimisagara
• Ikigo Nderabuzima cya Muhima mu Murenge wa Muhima
• Ikigo Nderabuzima cya Kanyinya mu Murenge wa Kanyinya
• Ikigo nderabuzima cya Kabusunzu mu Murenge wa Nyakabanda
• Ikigo Nderabuzima cya BIryogo ahazwi nko kwa Nyiranuma mu murenge wa Nyarugenge
• Ikigo Nderabuzima cya Rwampara mu Murenge wa Nyarugenge
• Ikigo Nderabuzima cya Butamwa mu Murenge wa Mageragere
• Ikigo Nderabuzima cya Nyarurenzi mu Murenge wa Mageragere
• Ikigo Nderabuzima cya Mwendo mu Murenge w Kigali

Akarere kandi gafite Amavuriro y’Ibanze (Health posts) agera kuri 38