Nk'uko biri muri gahunda y'ibikorwa by'ukwezi kwahariwe kuzirikana Ubumwe n'ubudaheranwa bw'abanyarwanda, kuri uyu wa Kabiri tariki ya 28 Ukwakira 2025 hakozwe Inama y'ihuriro ry'Ubumwe n'ubudaheranwa ku rwego rw'Akarere ka Nyarugenge 

Umuyobozi w'Ihuriro Bwana Ingangare Alexis, akaba yashimiye abitabiriye ndetse n'umushyitsi mukuru akaba n'intumwa ya Unity Club Madamu Oda Gasinzigwa 

Bamwe mu bitabiriye iki gikorwa harimo:

- Abadepite mu ntekoishinga amategeko 4 

- Hon Kayiranga Muyango Sylvie 

- Hon Icyitegetse Venuste 

- Hon Izere Inglid M Parfaite 

- Hon Bizimana Minani Deogratias 

- Abahoze bayobora Akarere ka Nyarugenge

- Abayobozi b'Inzego z'Umutekano mu Karere ka Nyarugenge 

-  Abayobozi b'Imirenge, abafatanyabikorwa n'abandi bateganywa n'amabwiriza agenga Ihuriro. 

Mu kiganiro, Dr Rev Antoine Rutayisire na Hon Icyitegetse Venuste bagarutse  ku gusobanura cy'ubumwe n'ubudaheranwa no gushyira imbere Ubunyarwanda mbere y'ibindi byose.

Umushyitsi mukuru akaba yashimye ibyakozwe n'ibitekerezo byatanzwe, ashima n'ingamba zafatiwe muri iyi nama zirimo gukomeza kwimakaza Ubumwe, umuco na Ndi Umunyarwanda. 

Nyuma y'Inama y'ihuriro kandi guhera saa 14h30' z'amanywa,  hasuwe Abagororwa mu Igororero rya Nyarugenge, hagamijwe kubaha ikiganiro, kwakira no gukemura ibibazo by'abagororwa. 

Iyi gahunda yo kuganira n'abagororwa ikaba yitabiriwe n'abayobozi b'Uturere 3 tugize Umujyi wa Kigali.

Mu bitabiriye harimo:

Umuyobozi w'Umujyi wa Kigali wungirije ushinzwe imibereho myiza n'Iterambere ry'Ubukungu Madamu Urujeni Martine hamwe na ba:

- Abayobozi Nshingwabikorwa b’Uturere 3 aritwo Nyarugenge, Kicukiro na Gasabo

- Abayobozi b'Inzego z'Umutekano b'utwo Turere 3

- Abanyamabanga Nshingwabokorwa b'Imirenge 35

- Bamwe mu bakozi b'Umujyi wa Kigali n'Uturere 

- Abakozi bashinzwe gahunda n'ubukanguramba rusange 

Mu Igororero rya Nyarugenge, Ikiganiro cy'ubumwe n'ubudaheranwa cyatanzwe na Padiri Donatien Umuyobozi wa Komisiyo y'Ubutabera n'amahoro (CDJP).

Intego

-Gukemura ibibazo bibangamiye imibereho myiza y’abaturage 

-Gusigasira amateka y’ukuri y’u Rwanda no kuyigisha binyuze mu biganiro kuri Ndi Umunyarwanda mu byiciro byose by’umwihariko urubyiruko 

-Gusubiza mu buzima busanzwe abarangiza ibihano mu magororero 

-Kubaka umuryango uzira amakimbirane 

-Gukorana n’abafatanyabikorwa mu bikorwa byimakaza ubumwe n’ubudaheranwa 

-Gukomeza gutoza indangagaciro biyuze mu itorero ry’Umudugudu, itorero mu mashuri no mu nzego z’imirimo.

-Gukomeza gusigasira amateka binyuze mu kwibuka Jenoside yakorewe abatutsi no gusigasira inzibutso n’inkuta z’amateka (Monuments)

Ibibangamiye ubumwe n’ubudaheranwa 

-Kuba hari imibiri itaraboneka ngo ishyingurwe mu cyubahiro 

-Ikibazo cy’ihungabana 

-Ibiyobyabwenge mu rubyiruko 

-Ikibazo cy’ingo zisenyuka zitamaze 2 bigira ingaruka ka bana 

Ingamba

-Gukomeza kwigisha no gutoza indangagaciro z’umuco 

-Gukemura ibiabzo bibangamiye imibereho myiza y’abaturage 

-Gukomez kwita ku rubyiruko no kushakira amahirwe y’Akazi