Umuyobozi Nshingwabikorwa Wungirije w'akarere, Madamu Nshutiraguma Esperance yayoboye Inama Ngarukagihembwe ikubiye muri gahunda y’akarere ka Nyarugenge igamije kurwanya imirire mibi n’Igwingira mu bana. Iyi nama yabaye kuri uyu wa 06 Mata 2023 yitabiriwe n’Abafatanyabikorwa banyuranye barimo Gikuriro Kuri Bose, Abayobozi b’Ibitaro n’Ibigo Nderabuzima, Abakozi b’akarere n’abandi.

Umuyobozi Nshingwabikorwa Wungirije w'akarere yasabye Inzego zose ko zakorera hamwe mu kugenzura ahagaragara ibibazo by’imirire mibi n’igwingira mu bana, bagasesengura impamvu yabyo bakanabishakira umuti kugira ngo igwingira ry’abana rirandurwe burundu mu karere ka Nyarugenge.  Yashimiye abafatanyabikorwa n'abandi  bitabiriye iyi nama ku bikorwa byiza bitandukanye birimo gukorwa mu kurwanya imirire mibi n'Igwingira mu bana asaba ko hakomeza gushyirwamo ingufu kugira ngo iki kibazo kirangire burundu