Hatangiye igikorwa cyo kugenzurana "Peer Evaluation" aho abagenzuzi b'uburezi mu mirenge, abayobozi b'ibigo by'amashuri, abayobozi b'amashuri bungirije bashinzwe amasomo basura  amashuri hagamijwe kureba uko ashyira mu bikorwa gahunda zitandukanye zijyanye n'uburezi. Ni igikorwa cyatangijwe kuri uyu wa 18 Gashyantare 2023 mu kigo cya G.S. Institut Filippo Smaldone (IFS).

Iki gikorwa cyitabiriwe n’abayobozi banyuranye barimo Umuyobozi w'Umujyi wa Kigali  wungirije ushinzwe Ubukungu n’Imibereho myiza y’Abaturage Madamu Urujeni Martine, Umuyobozi Nshingwabikorwa wungirije  w’Akarere ka Nyarugenge Madamu Nshutiraguma Esperance, Abayobozi ba IFS, Ubuyobozi bw’Umurenge wa Nyamirambo n’abandi.

Umuyobozi w'Umujyi wa Kigali  wungirije ushinzwe Ubukungu n’Imibereho myiza y’Abaturage yasabye abanyeshuri kwiga neza no kugira intego, gutanga amakuru ku bandi banyeshuri batakiga, gufata neza ibikoresho by'ishuri, kwitegura ibizamini bisoza igihembwe cya II ndetse asaba abarezi gutanga uburezi bufite ireme.

Ibyitabwaho mu bugenzuzi:

•Kureba uko inyubako zifashwe neza

•Imyigire, imyigishirize n’imiyoborere y’ibigo

•Kugaburira abanyeshuri

•Isuku n’ibidukikije

•Siporo mu mashuri