Mu kigo cy’amashuri cya G.S Institut Filippo Smaldone i Nyamirambo mu karere kacu ka Nyarugenge, uyu munsi Minisitiri w'uburezi Bwana Nsengimana Joseph, Umuyobozi w'Umujyi wa Kigali wungirije ushinzwe iterambere ry'ubukungu n'imibereho myiza Madamu Urujeni Martine, Umuyobozi Nshingwabikorwa w’Akarere ka Nyarugenge Bwana Ingangare Alexis n’Umuyobozi mukuru w’Ikigo cy'Igihugu gishinzwe Ibizamini n'Ubugenzuzi bw'Amashuri (NESA) Dr. Bahati Bernard batangije ibizamini by'amashuri abanza bisoza Umwaka wa 2024/2025

Bwana Nsengimana Joseph, Minisitiri w’Uburezi yasabye abanyeshuri kwikuramo ubwoba bagakora ikizamini cyabo nk’uko biteguye neza mu myigire yabo anabifuriza amahirwe no gutsinda. 

Umuyobozi Nshingwabikorwa w’Akarere ka Nyarugenge Bwana Ingangare Alexis yavuze ko akarere gafite ibigo by’Amashuri abanza (Examination centers)bikorerwaho ibizamini bigera kuri 20 yongeraho ko umubare w’abanyeshuri bose  bakora ikizamini cya Leta icyiciro cy’amashuri abanza ari 6873(Abahungu:3235 Abakobwa:3638)     

Umwaka ushize 2023 /2024 Akarere katsindishije abanyeshuri ku kigero cya 89% mu mashuri abanza

Zimwe mu ingamba zafashwe kigirango hazamurwe igipimo cy’imitsindire n’ireme ry’uburezi mu karere ka Nyarugenge harimo:

- Gahunda nzamurabushobozi zashyizweho ku banyeshuri bagaragaje intege nke mu myigire yabo,

- Kugenzura imyigire n’imigishirize y’abanyesuri mu mashuri

- Kugenzura imikorere y’abarimu nuko bategura amasomo no gukurikiza integanyanyigisho

- Ubufatanye bw’Ababyeyi n’abarenzi mu myigire y’Abana n’ibindi.