Kuva kuri uyu wa 12 kugeza 16 Kamena 2023 mu karere ka Nyarugenge hatangijwe Icyumweru cyahariwe Ubuzima bw’Umwana n’Umubyeyi ku nsanganyamatsiko igira iti: “Hehe n’Igwingira ry’Umwana”

Ku rwego rw’Akarere ka Nyarugenge iki gikorwa cyatangirijwe mu murenge wa Nyakabanda cyakora no mu yindi mirenge yose byabereye rimwe. Biteganyijwe ko muri iki gikorwa abana bazakomeza guhabwa indyo yuzuye, kubafata ibipimo ndangamikurire ( ibiro, uburebure n'ikizigira cy'ukuboko MUAC), kubaha ikinini cy'inzoka na Vitamin A ndetse na serivisi zo kuboneza urubyaro zegerejwe abaturage.  Hazanatangwa ibikoresho bigenewe amarerero n'ibikoresho by'Igikoni n'isuku bigenewe amashuri mbonezamirire mu midugudu yose igize akarere ka Nyarugenge ku bufatanye n’Umufatanyabikorwa Gikuriro Kuri Bose.

Bwana Ngabonziza Emmy, Umuyobozi Nshingwabikorwa w’akarere ka Nyarugenge yashimiye Abafatanyabikorwa b’akarere, Abajyanama b’Ubuzima n’abayobozi ku birimo gukorwa mu guharanira impinduka nziza mu buzima bw’umubeyi n’umwana, abasaba kurushaho gukora cyane kugira ngo ikibazo cy’Igwingira kibe amateka mu karere ka Nyarugenge. Yanasabye Abaturage kwitabira serivisi zo kuboneza urubyaro nka bumwe mu buryo bwo gutuma babyara abo bashoboye kurera bigatuma bagira imibereho myiza mu miryango yabo.

Bwana Rusagara Felicien Umuhuzabikorwa wa Gikuriro Kuri Bose mu mujyi wa Kigali no mu karere ka Rwamagana yavuze ko bazakomeza gufatanya n'akarere mu kurwanya imirire mibi binyuze mu ishuri mbonezamirire ku mudugudu (VNS), ndetse n'ahatangirwa service zikomatanije ku Gicumbi mbonezamikurire