Iyo ubuyobozi Nshingwabikorwa bw’Akarere buganiriye n’abaturage haba mu nteko z’abaturage, mu muganda n’ibindi bikorwa bihuza ubuyobozi n’abaturage, igikunze kugarukwaho ni uko bashaka guhabwa site z’imiturire mu duce batuyemo hirya no hino mu mirenge igize akarere kacu ka Nyarugenge. Kuri ubu mu karere harimo site 14 z’imiturire zamaze gutunganywa no gukatwa ku buryo abashaka kuzituramo bahawe ikaze. Muri izo site harimo 13 z’Imiturire n’indi site 1 yagenewe Inganda mu kagari ka Nzove.

Mu murenge wa Kanyinya harimo site 3. Twavuga site yo mu kagari ka Taba na site iri mu kagari ka Nyamweru zagenwe gutura ndetse n’indi site yo mu kagari ka Nzove igenewe inganda.

Mu murenge wa Kigali, Akagari ka Kigali harimo site 4 abaturage bashobora kubakamo n’indi site y’Agatare iri mu kagari ka Nyabugogo

Mu murenge wa Mageragere harimo site 4. Akagari ka Kankuba gafite site 2 arizo  Rugendabari ya mbere na Rugendabari ya kabiri. Hari kandi site yo mu kagari ka Mataba na site yitwa Amahoro iri mu kagari ka Nyarurenzi. 

Mu murenge wa Kimisagara ubu harimo site 1 y’imiturire mu kagari ka Kimisagara (ni site ya Muganza), mu murenge wa Nyamirambo naho hari site imwe y’Imiturire ihuriweho n’utugari 2 aritwo Akagari ka Gasharu n’aka Rugarama