Mu kwizihiza isabukuru yo Kwibohora ku nshuro ya 29, Umuyobozi w'Umujyi wa Kigali Wungirije ushinzwe Ubukungu n’Imibereho myiza y’Abaturage, Madamu Urujeni Martine ari kumwe n’Umuyobozi Nshingwabikorwa w’Akarere ka Nyarugenge Bwana Ngabonziza Emmy, Abagize Inzego z’Umutekano n’abayobozi banyuranye bifatanyije n'abaturage b'Umudugudu wa Rugarama mu Kagari ka Rugarama mu Murenge wa Nyamirambo akarere ka Nyarugenge ahatashywe inzu y'Ababyeyi ndetse n’Icyumba gitangirwamo ubufasha ku bahuye n’Ikibazo cy’Ihohoterwa Rishingiye ku Gitsina (GBV Room) byubatswe ku bufatanye n'Umufatanyabikorwa Enabel (Belgian development agency).

Iki gikorwa cyo Kwizihiza isabukuru yo Kwibohora ku nshuro ya 29 cyabaye tariki 04 Nyakanga 2023 cyajyanye n’Ibikorwa binyuranye byo kumurika ibyagezweho mu midugdu yose y’Akarere ka Nyarugenge bijyanye ahanini n’Ibikorwa bihindura Imibereho y’Abaturage ikarushaho kuba myiza.

Bimwe mu byagezweho uyu mwaka

Ibyakozwe bibumbiye mu nkingi za Guverinoma arizo Imiyoborere myiza n’Ubutabera, Ubukungu, n’Imibereho Myiza y’Abaturage.

• Hubatswe Umuhanda wa Kaburimbo: Rugenge-Ku bitaro-Nyabugogo
• Umuhanda wa kaburimbo wa Miduha-Mageragere watangiye kubakwa
• Abatuye umudugudu wa Gakoni akagari ka Nyabugogo, umurenge wa Kigali bari kubaka umuhanda w’ibirometero 2.3 kandi bazakomeza kugeza kuri 6.5
• Hubatswe Ibiraro 2 bya Nyabugogo
• Hacaniwe Umuhanda wa Ruliba Karama ufite ibirometero 7
• Hubatswe ruhurura ya Kabusunzu-APACE
• Hatujwe imiryango 56 mu mazu 2 meza agerekeranye kuri Mpazi  
• Havuguruwe Site 4 z’Imiturire muri Gitega, Nyabisindu, Rwezamenyo n’ahandi
• Hishyuwe Imitungo 350 kuri 391 yagizweho ingaruka no kubaka ibikorwaremezo mu kuvugurura site ya Mpazi
• Mu kwezi kwa Gashyantare 2023, Hatangijwe Imirimo yo kubaka imiyoboro y’amazi, Imihanda, inzira z’abanyamaguru, ruhurura mu mushinga wa ha 137
• Hahujwe Ha 50 zo guhingaho igihingwa cy’ibigori
• Hahanzwe Imirimo mishya ibyara inyungu
• Huhiwe imyaka kuri Ha 15
• Hatanzwe Inka 211 muri gahunda ya Girinka
• Ingo nyinshi zagejejwemo amashanyarazi
• Hubatswe ibyumba by’amashuri, ubwiherero, Ibikoni n’ibindi.
• Haguwe ivuriro rya Rugarama hongerwamo inzu y’ababyeyi
• Hashyinzwe urugo mbonezamikurire muri buri Mudugudu (ECD) rwujuje ibisabwa mu midugudu 348
• Igwingira ry’abana ryaragabanyutse mu buryo bugaragara
• Hakozwe imikino y’umurenge Kagame cup aho igikombe cyatwawe n’Umurenge wa Nyarugenge
• Hubatswe amazu 9 y’abatishoboyebacitse ku icumu rya Genocide yakorewe Abatutsi n’andi mazu 5 muri gahunda yo gukemo ibibazo bibangamiye Imibereho myiza y’Abaturage (HIS
• Hishuwe abaturage bagomba kwimurwa ahazubakwa ibiro by’Umurenge wa Kimisagara
• Hasanwe ibiro by’Akagari ka Mataba muri Mageragere
• Ibiro by’Akagali ka Ruliba byarubatswe n’ibindi