Mu mpera z’icyumweru gishize, mu Karere ka Nyarugenge habaye igikorwa cyo gusinya imihigo y’Urubyiruko iri gushyirwa mu bikorwa muri uyu mwaka wa w’ingengo y’imari ya 2025-2026. Umuyobozi Nshingwabikorwa w’Akarere ka Nyarugenge, Bwana Ingangare Alexis yamurikiwe n’Urubyiruko imihigo maze nawe ashimira urubyiruko ibikorwa by’indashyikirwa bizamura ibimereho y’abaturage barimo gukora bafatanyije n’abandi baturage mu Karere ka Nyarugenge.

Muri Rusange Urubyiruko rwamuritse Imihigo 30 irimo ikurikira:

• Ubukungu: Imihigo 11
• Imibereho myiza: Imihigo 6
• Imiyoborere myiza: Imihigo 13

Muri Rusange iyo mihigo ni iyi ikurikira:

• Gufasha Koperative z’urubyiruko kubona ubuzimagatozi
• Gukora amatsinda yo kwizigamira hagamijwe ishoramari
• Kumenyekanisha no gukangurira Urubyiruko kwitabira gahunda ya NEP Kora wigire
• Gukangurira Urubyiruko gahunda ya Ejo Heza
• Gukangurira urubyiruko gutera ibiti by’Imbuto ziribwa
• Gukangurira urubyiruko umuco wo kwiharika
• Gukangurira  urubyiruko rwitabira gahunda ya Made in Rwanda
• Gukangurira urubyiruko gukorera mu Dukiriro
• Guhugura Amakoperative y’urubyiruko na ba Rwiyemezamirimo bashya b'Urubyiruko ku micungire y’amakoperative no kunoza imishinga
• Gukangurira Amakoperative y'Urubyiruko kwitabira amamurikagurisha ku nzego zitandukanye
• Gukangurira Urubyiruko kwitabira ubuhinzi b'umwuga
• Gukora siporo rusange (mass sport) ku  rwego rw'Akagari  nibura inshuro 1 buri kwezi kuri buri Kagari hanapimwe BMI na PFT
• Gukora siporo rusange (mass sport) ku  rwego rw'Akagari  nibura ishuro 1 buri kwezi kuri buri Kagari hanapimwe BMI na PFT.
• Gukora ubukangurambaga k'ubuzima bw’imyororokere, kurwanya Ibiyobyabwenge, Inda z'imburagihe,  Ihohotera rishingiye ku gitsina, agakoko gatera SIDA n'izindi ndwara z'ibyorezo  (Igituntu, Hepatitis, …)
• Gukangurira ababyeyi kohereza abana mu ishuri ku gihe no gukurikirana imyigire yabo
• Gukangurira urubyiruko kugira isuku mu ngo hubakwa/hasanwa ubwiherero bwujuje ibisabwa
• Gushyiraho amarushanwa atandukanye ahuza urubyiruko rwose mu Tugari buri Gihembwe (imikino njyarugamba, football)
• Kuremera  urubyiruko rufite ubumuga ndetse n'urubyiruko rufite ibibazo byihariye biciye mu mirimo y’amaboko
• Gukora umuganda wihariye w’urubyiruko
• Gukora Gahunda y’Intore mu Biruhuko
• Gukora Inteko Rusange nibura imwe kuri buri rwego (Umudugudu, Akagali, Umurenge n'Akarere )
• Kwigisha urubyiruko  cyane cyane ururi mu mashuri kurushaho kwitabira ibijyanye n’uburere mboneragihugu ndetse no kubashishikariza kwitabira imirimo y’ubukorerabushake
• Gukora ibiganiro kuri Gahunda ya Ndi Umunyarwanda
• Gukangurira no kwigisha urubyiruko gukoresha neza imbuga nkoranyambaga
• Kongerera ubushobozi amatsinda y’ubumwe n’ubudaheranwa asanzwe ariho ahabwa amahugurwa
• Kongerera imbaraga Itorero Inkomezamihigo n'ibyiciro byaryo.
• Gushiraho clubs zo kurwanya ibiyobyabwenge/ihohoterwa rikorerwa abangavu mu mashuri
• Gukurikirana uko uruhare rw’urubyiruko rwitabwaho mu igenamigambi ry’uturere
• Gukangurira urubyiruko kwitabira serivisi zitangwa mu Kigo cy'urubyiruko (ICT, VCT, job desk, SRH n’izindi)
• Gukurikirana imikorere y'Inama Nyobozi y'Ibigo by'Urubyiruko