Kuva tariki ya 20 kugeza 22 Kamena 2023 Ihuriro ry’Abafatanyabikorwa mu Iterambere ry’Akarere ka Nyarugenge, (JADF) ryakoze Imurikabikorwa by’Abafatanyabikorwa mu Iterambere ry’Akarere ribera kuri Tapis Rouge.

Bimwe mu byamurikwaga:

– Ibikoresho, imyambaro n’ibindi bikorerwa mu Rwanda

– Kwandika abana mu Iramgamimerere

– Ubufasha mu by’amategeko

– Serivisi z’ubutaka no gukemura ibibazo birimo

– Kuvura amaso, amenyo n’indwara zitandura

– Serivisi zo kuboneza urubyaro, gupima HIV n’ibindi.

Umuyobozi Nshingwabikorwa w’akarere Bwana Ngabonziza  Emmy ari nawe wafunguye ku mugaragaro Imurikabikorwa by’Abafatanyabikorwa mu Iterambere ry’Akarere ka Nyarugenge (JADF) kuri Tapis Rouge ryamaze iminsi 3.

Mu byo bagarutseho, Abayobozi banyuranye bavuze ku byiza bituruka ku kuba Ihuriro ry’Abafatanyabikorwa mu Iterambere ry’Akarere (JADF) rishyira umuturage ku Isonga y’ibikorwa. Hashimwa iki gikorwa gituma abaturage babona serivisi mu buryo bubegereye bakanasobanurirwa ibibakorerwa .

Umuyobozi Mukuru Ushinzwe Imiyoborere myiza n’Imibereho myiza mu mujyi wa Kigali wari Umushyitsi mukuru, Bwana Munyandamutsa Jean Paul yashimiye abitabiriye iki gikorwa gishyira umuturage ku isonga asaba ko ibibazo by’Igwingira ry’abana n’inda ziterwa abangavu byakwitabwaho .