Kuri uyu wa 14 Weruwe 2022 mu murenge wa Kigali,hatangijwe ku mugaragaro Urugererob rw'Inkomezabigwi ku nsanganyamatsiko igira iti " Duhamye umuco w'Ubutore ku Rugerero rwo kwigira" biteganyijwe ko mu gihe cy’ibyumweru 2 abanyeshuri barangije amashuri yisumbuye bazakora ibikorwa bigamije kuzamura ubuzima n'imibereho myiza y'abaturage.

Umunyamabanga wa leta ushinzwe imibereho y'abaturage muri Minisiteri y’Ubutegetsi bw’Ighugu (MINALOC), Madamu Ingabire Assoumpta, Umuyobozi w'umujyi wa Kigali Rubingisa Pudence ndetse n’Umuyobozi Nshingwabikorwa w'akarere ka Nyarugenge Ngabonziza Emmy bifatanyije n'abaturage batangiza urugerero ku banyeshuri  barangije amashuri yisumbuye bo mu murenge wa Kigali, Akagari ka Rwesero, Umudugudu wa Makaga.

Mu mirenge yose y’akarere ka Nyarugenge harimo kuba urugerero rw’Inkomezabigwi Icyiciro cya 9 ni  urugerero rw’abanyeshuri barangije amashuri yisumbuye umwaka ushije  bagiye kumara amezi 2 bubakira abatishoboye, kubaka uturima tw’igikoni, gusana amazu y’abatishoboye, kubakira ubwiherero abatabufite no gusana ubutameze neza n’ibindi bikorwa bigamije gutuma abaturage bagira imibereho myiza. Bariya banyeshuri kandi bazakomeza gufatanya n'ubuyibozi gutegura ibikorwa bitandukanye birimo n’ibyo kwibuka Genoside yakorewe Abatutsi