Ubuyobozi bw’umurenge wa Rwezamenyo kuri uyu wa 11 Kanama 2025 bwagiranye inama n’abakora umwuga wa salon de coiffure, spa, sauna na massage bibumbiye mu rugaga rw’abakora umwuga w’ubwiza bw’umubiri (Rwanda Beauty Makers Association) bagera kuri 25 

IBYARI BIGAMIJWE MURI IYI NAMA:

•Guhuza abakora umwuga wa salon, SPA, sauna na massage.

•Kungurana ibitekerezo ku iterambere ry’umwuga.

•Kwibutswa amabwiriza y’isuku agenga salon,SPA, SAUNA&MASSAGE mu mujyi wa Kigali 

•Gutanga umusanzu ku mikorere myiza, serivisi inoze no kwimakaza ubunyamwuga.

•Gushyiraho uburyo bwo gufatanya no guhugurana.

•Guca burundu amakosa akigaragara muri uyu mwuga n’ibindi

IBIGANIRO BYATANZWE

• Ikiganiro ku mabwiriza y’isuku agenga salon, souna na massage mu mujyi wa Kigali
• Isesengura ku bibazo bikigaragara muri uyu mwuga:
• Kudakorera mu mucyo ku bantu bamwe.
• Ibura ry’amahugurwa ahoraho.
• Kutagira ibikoresho bigezweho cyangwa bidahagije.
• Kudahuza ibiciro bigatuma habaho amarushanwa atari meza
• Imikoranire y’abakozi n’abakoresha
•  Ibitekerezo byatanzwe mu gushaka ibisubizo:
• Kujya muri association ku bakorera muri uyu mwuga.
• Gushaka amahugurwa ku buryo buhoraho (kuri tekiniki n’iyoborwa).
• Kwamamaza ibikorwa mu buryo bugezweho (social media, brochures, etc.)

IBYEMEZO BYAFASHWE

1.Gushinga Komite Nshingwabikorwa izakurikirana ishyirwaho ry’ihuriro ry’abakora uyu mwuga ku rwego rw’umurenge 

2.Gushyiraho ihame ry’ubunyamwuga no kwita ku isuku n’imyitwarire myiza.

3.Gukorana n’inzego z’ubuyobozi bw’ibanze ndetse na association 

4.Kwishyurira abakozi bose binyuze muri banki 

5.Kugirana amasezerano y’abakozi agakorerwa imbere ya noteri binyuze muri association 

6.Kwandikira ubuyobozi bw'inzego bireba (RICA, MINICOM, RBC n'izindi) hasabwa ubufasha mu guteza imbere uyu mwuga.

7.Gukoresha abakozi b’umwuga(physiotherapist muri massage, certified staffs muri saloon)