Kuri uyu wa 15 Nzeri mu cyumba cy’inama cy’Akarere ka Nyarugenge habayereye igikorwa cyo gusinyana Imihigo hagati y’Ubuyobozi bw’Akarere ka Nyarugenge, n’Imirenge yose ikagize uko ari 10 ndetse n’Inzego z’Urubyiruko mu karere arizo NYC na RYVCP

Iyo mihigo iribanda ku kubungabunga ibikorwa remezo no kubyongera ku bufatanye n’abaturage, Ubukangurambaga bugamije imibereho myiza y’Abaturage, ndetse n’Ibikorwa byo kwimakaza imiyoborere myiza. Imihigo y’Urubyiruko (NYC na RYVCP) yo iribanda ahanini ku bukangurambaga

Umuyobozi Nshingwabikorwa w’Akarere ka Nyarugenge Bwana Ngabonziza Emmy yasabye ko imihigo yarushaho kwitabwaho kuko yihutisha iterambere avuga ko gukorera ku ntego bagomba kubigira umuco. Yabibukije guhanga udushya, ashimangiye ko Inzego z’akarere, Imirenge n’Inzego z’urubyiruko zigomba kugirana imikoranire myiza. Yashoje asaba urubyiruko gufasha abaturage guhindura imyumvire mu bijyanye n’Isuku, Ubwisungane mu kwivuza, Imihigo y’Ingo, Kwizigamira, kurengera ibidukikije n’ibindi.