Umuyobozi Nshingwabikorwa w’Akarere ka Nyarugenge Bwana Ngabonziza Emmy ari kumwe n’abatoza mu nzego z'umutekano uyu munsi tariki ya 13 Ukwakira 2023 basuye urubyiruko rw’Intore ziri ku rugerero Inkomezabigwi 11/2023 mu murenge wa Kimisagara aho zatorezwaga kudasobanya binyuze mu karasisi, aziha ikiganiro ku mateka y'u Rwanda. Uru rubyiruko rw'intore rwashimishijwe no kuganirizwa n'abatoza bakuru

Bwana Ngabonziza Emmy yasabye urubyiruko kwirinda amacakubiri abangamira ubumwe bw'Abanyarwanda, abasaba gukorana umurava bagatanga umusanzu mu kubaka igihugu bakemura ibibazo bibangamiye imibereho myiza yabaturage. Muri iki gikorwa hanagarutswe ku ndangagaciro, kirazira, imyitwarire n’ibindi biranga intore.

Kimwe n’ahandi mu gihugu, Urubyiruko rurangije amashuri yisumbuye Umwaka ushize ruteraniye mu rugerero Inkomezabigwi icyiciro cya 11mu karere ka Nyarugenge aho rwatangiye tariki ya 25/09/2023 rukazasoza tariki ya 18/12/2023. Urugerero rw’uyu mwaka wa 2023 rufite Insanganyamatsiko igira iti: “Duhamye Umuco w’Ubutore ku Rugerero”