Muri Camp Kigali uyu munsi tariki ya 09 Kamena 2024 habereye Inteko rusange y'Inama y'Igihugu y'urubyiruko. Iyi nteko ikaba yakozwe mu buryo bw'Igitaramo mva rugamba  ku nsanganyamatsiko igira iti: “Urugendo rw'urubyiruko mu kubaka igihugu mu myaka 30”

Lt. colonel Niyomugabo Augustin wari wifatanyije n’urubyiruko muri iyi nteko yagize ati: “Rubyiruko ni mugire indangagaciro zikwiye Umunyarwanda ibyo mwigishwa uyu munsi mukwiye kubishyira ku mutima kuko nimwe iki Gihugu gitezeho gukomeza gutera imbere no gukomeza kuba u Rwanda”

Umuyobozi Nshingwabikorwa w’Akarere ka Nyarugenge, Bwana Ngabonziza Emmy yashimiye urubyiruko ku bikorwa bitandukanye bakoze mu mihigo yabo cyane cyane mu Mirenge 3 yaje ku isonga ariyo Muhima, Kimisagara na Mageragere

Ibyakozwe muri iyi nteko

• Kumurika imihigo y’urubyiruko mu mwaka wa 2023-2024
• Gutangaza ibyavuye mu isuzuma ry’imihigo ku rwego rw’Imirenge
• Gushimira Abayoboye Inzego z’Urubyiruko mu mirenge bahize abandi mu mihigo
• Kuganira ku mateka yo kubohora igihugu hagamijwe gukuramo indangagaciro zaherekeza urubyiruko
• Gukangurira urubyiruko ruhagarariye abandi kuba imboni z’abo bayoboye hagamijwe iterambere