NYARUGENGE: HIZIHIJWE UMUNSI W’UMUGANURA
Minisitiri w’Ububanyi n’Amahanga n’Ubutwererane, Umuyobozi w’Umujyi wa Kigali, Abagize Urwego Nshingwabikorewa rw’Akarere ka Nyarugenge, abagize Inzego z’Umutekano n’abandi bayobozi bifatanyije n’abaturage mu Kagari ka Nyabugogo, Umurenge wa Kigali mu gikorwa cyo Kwizihiza Umunsi Mukuru w’Umuganura cyabaye Tariki ya 07 Kanama 2026 ku nsanganyamatsiko igira iti: “Umuganura isôoko y'ubunwe n'ishingiro ryo kwigira”.
Ibyaranze Ibirori by'Umuganura 2026:
- Intambwe y’Intore ( Umutambagiro wakozwe n’Abayobozi n’Irorero ry’Umujyi wa Kigali INDATIRWABAHIZI
- Imbyino n'Indirimbo by'Itorero Indatirwabahizi
- Kumurika ibyagezweho mu Karere ka Nyarugenge n’ibiteganywa gukorwa mu mwaka wa 2026-2027 byakozwe n’Umuyobozi Nshingwabikorwa w’Akarere ka Nyarugenge Bwana Ingangare Alexis.
- Kumurikira abaturage ibyagezweho mu Mujyi wa Kigali mu buryo bwa filime mbarankuru
- Ikiganiro kigaruka ku mateka y'Umuganura, ububi bw'ibiyobyabwenge n’ingamba zafashwe mu kurengera ubuzima bw’Abanyarwanda n’ibyo abaturage basabwa kugira ngo hubakwe umunyarwanda muzima, ufite imibereho myiza n’Iterambere rirambye.
- Kungurana ibitekerezo ku kiganiro cyatanzwe,
- Ijambo ry'Umushyitsi Mukuru ariwe Minisitiri w’Ububanyi n’Amahanga n’Ubutwererane Nduhungirehe Olivier Jean Patrick ryagarutse ku nsanganyamatsiko y’umunsi Umuganura, isoko y’ubumwe n’ishingiro ryo kwigira, akamaro k’Umuganura mu Rwanda rwa none, asaba abitaniriye umunsi mukuru gusigasira umuco Nyarwanda, ntibatwarwe n’iby’amahanga bitabahesha agaciro.Yagarutse kubyaganiriweho mu kiganiro, bijyanye n’ubusinzi n’ibiyobyabwenge, ndetse asaba Ababyeyi kongera imbaraga mu kurinda abana ibyabangiza byose, babatoza indangagaciro nziza ndetse babaganiriza buri munsi, kugira ngo bakure bafite uburere buboneye, bakunda Igihugu, kandi bahinduka abantu bazashobora gukomeza kubaka no guteza imbere ibyagezeho.
Ibi birori kandi byaranzwe no gusangira umuganura kw’Abayobozi n’abaturage.